Тэр шөнө болгон гарч ирнэ, би шөнө болгон цонхон дээрээ гарч ирэхийг нь хүлээнэ.. Тэр үеэс эхлээд уран бүтээлийн минь сэдэв 180 хэм өөрчилөгдөж охидуудад чирта зурж өгөхөө байгаад хайр дурлалын томьёо ханан дээр сараачиж тоо биш үсэг хооронд нь нэмж хамгийн сайхан хариугаа бодож олж тавидаг байлаа.
Гэвч яагааад ч юм бэ? харах тусам харамсал гунигтай бх шиг заримдаа бүүр чимээгүйхэн уйлаад ч байгаа юм шиг санагддаг байлаа. Нараа эгч л ааштай болохоор балкоон дээр тамхи татлаа гэж дандаа загнаад байдаг байх л гэж боддог байж. Байрны ах нар зарим нь цэцэг өгнө зарим нь чихэр өгнө тэгээд ч нэмэргүй. Манай байрны майк Монхоо ах тэрнээс л болж гитар тоглож сурсан юм. Орцны үүдний сандал дээр Монхоо ахын гитарын тоглолтын хамгийн гол үзэгчид нь манай бяцхан найзууд, довжооны шатан дээр 2 эгнээд суучина. Хөгжилтэй ч байж дээ.
Зуны халуун өдөрүүд үргэлжилсээр л. Манай Дархан ч овоо хална. Нэг орой тэр тамхиныхаа асаагуурыг санамсаргүй унагаачихлаа. Аав ээж 2 намайг юу гэж гаргахав. маргааш өглөө нь тэрүүгээр хайгаад байдаггүй. тэр үед хүмүүс нэг бол бөөрөнхий цагаан тэмээтэй эсвэл улаан амархаан эвдэрчихдэг улаан хятад зажигалкатай байдаг блаа. за ихэнх нь бол монголын модон хайрцагтай шүдэнзтэй. би галаар тоглох дуртай сахилгагүй жаал бсан болохоор сайн санах юм. манай жард /60 айл гэж манай нөгөө зэргэлдээ байрыг хэлнэ/ хар өглөөгүүр босоол гимнастик хийж тэр хавиараа тойроод гүйгээд бдаг нэг ахмад дайчин өвөө блаа. Батсуурь гуай ч гэдэг билүү бас Пэлжээ ч гэж нэг ахмах дайчин байлуу хольж мартсан бна. Өвөө нар 60-ын урд талын саравчинд шатар даалуу тоглоол. Батсуурь өвөө нэг жижигхэн цагаан юм бусад өвөө нартаа үзүүлж бгааг нь хараад би шууд танилаа.
Яг тийм юмыг би өөр ахаас олоод шуучилаа бараг анх удаа юм хулгайлж үзэж байсан бх. орос киноны баригдашгүй өшөө авагч шиг баатарлаг мэдрэмж төрөөл бас хөөрхөн айдастай. Энэ юу ч биш хамгийн гол айдас маань урд минь байлаа. Тэдний шатаар өгсөж явахдаа түг-түг, түг-түг. Тэгээд хаалган дээр нь ирчихлээ. Урьд нь хонхыг нь дараад зугатаж тоглодог байсан олон танил хаалгануудын нэгийг тэр өдөр арай өөр зорилгоор эр хүн шиг шийдэмгий дарлаа. өчигдөрхөн л үсэрэн байж дардаг байсан хонхыг гараа өргөөд л дарчихлаа. Бас өлмийгөө өргөөд. Хөлийн чимээ сонсогдлоо дараа нь цоож. тэвчиж чадалгүй рефлексээрээ зугатахаар эргэж гүйтэл хойноос "Хөөе" гэсэн тэр гайхалтай хоолой намайг нам тооромзлуулан зогсоолоо. Тэрнээс хойшхи процессыг детиалчилан сайн сандаггүй юм. би нөгөөх юм аа өгөөл бсан маш их гэрэл гялбасан гэрэлтсэн цагаан унтлагын хувцас цагаан төмөр ор цагаан даавуу нарны хурц гэрэл шар модон шалан дээр асгараал бүүр хальж урсаж бгаа юм шиг тийм их гэрэл. Ичээд ч тэр юм уу өөр тийшээ доошоо л хараад байсан болохоор их л тод гэрэл л санагдаад байдаг юм. Бас нэг тийм уянгалаг хоолой надтай яриад байсаныгг ойлгоогүй ч гэсэн толгой тохиол байсан. Ёотон идэж байхуу цай уусан нь яг л ундаа шиг санагдсан орос цэцэрлэгийн компоодноос ч гоё.
.... "Миний дүү эгч дээ тусалж байгаарай" гэсэн үг нь л мартагдалгүй үлдэж. Яг л миний үүрэг гэж бодоод чимээгүй толгой дохисон нь эх орондоо хүлээсэн тангараг шиг санагддаг байж билээ. Миний тус ч гэж юу байхав хааяа нэг талх давсанд нь гүйж өгнө. Бодоход ер нь л гэрээсээ гарах дургүй бүгээнч хүн шиг бсан юм шиг. одоогийн надархуу зожигорсон.
Хоёр гурав гэрээр нь орж гарж байж арай нэг нүд онгойлоо. Толигор цэвэрхэн сайхан царайтай их сонин гоё нүдтэй онигор юм шиг хэрнээ их урт жартагар заримдаа нүд нь нээлтэтэй мөртлөө өөр тийшээ хараад ч бгаа юм шиг юу ч гэмээр юм бэ дээ солир гэхэд арай биш гэхдээ л тийм нэг гоё тунгалаг усан нүдтэй. ихэнхдээ тийм тунгалаг урсгал нүдтэй хүмүүсийнх их гэрэлтсэн оч гийсэн байдаг. харин түүнийх бол сүүмгэрдүү ч юм шиг. гэхдээ унтарсан нүд бол биш шүү. Тийм л сайхан нүдийг битгий хэл түүнтэй жаахан ч гэсэн нэг талаараа дөхөж очих ядахнаа санагдуулаад өнгөрөх нүдийг хүмүүсийн энэ олон нүдэн дундаас одоог хүртэл хичнээн зураад хичнээн хайгаад ч олж хараагүй л бна . Хүний нүд өөрчлөгддөггүй юм гэнэ билээ. Хаа нэгтээ байгаа л байх.
Одоо нүднээс өөр юм ярья гуниглаж уянгалаж өгөх нь байна. Орны нь толгой дээрх авдар дээр нь гурав нугардаг тольтой. тэр тольны 2 талын хавтасных нь араар зөндөө ном өрөөстэй. хатуу хавтастай зузаан номууд байсан нь орос ном байсан байх. Зарим ном нь "аймаар" зарим нь зүгээр л үргэлжилсэн юм уу шатласан үгнүүд бичигдсэн. Зарим нэг тэр "аймаар" ном бас хананд нь өлгөсөн аймаар эвгүй гаж зурагнаас нь болоод шөнө тамхиа татчихаад гэрлүүгээ орохдоо мангас шулам болдийн болов уу? гэж нууцхан сонирхсон гэнэн төсөөлөл их төрдөг байлаа. Тэр ханан дээр байгаа зурагт дөрөв таван урт үстэй орос шар хүмүүс байгаа юм шиг мөртлөө бүгдэнгийнх нь царай нийлээд нэг том болчихсон, олон нүүртэй нэг хүн шиг аймшигийн мангас шиг санагддаг байлаа. тэгээд нэг өдөр надад тэр хүмүүсийн дууг том өрөөндөө их л нандигнасан нэг пянзаар сонсуулсан юм. Яг л аймшигийн амьтаны хүрээлэнд байгаа чөтгөрүүд шиг сонсогдосон тэгээд би энэ олон нүүртэй мангас чинь бас олон янзаар өөр өөр хүн шиг дуулдийн бна гэж ойлгож авсан юмдаг. Хамгийн гоё нь тэр дуу нь таалагдаагүй айлгаж байсан ч түүнтэй би хамт бүжиглэж сайхан байсан юм. бүжиглэх ч гэж дээ зүгээр л үсчиж далжигнаж сарвалзсан байх. Тэгээд нөгөө нэг зарим нэг аймар номууд дээр хүний огтолж тайрсан гар хөл, хонины цувдай шиг гаргаад үзүүлчихсэн хүний элэг бөөрний зурагнуудтай ийи ийий аймаар аймаар зузаан зузаан хүнд номууд байдаг байлаа.
Нэг өдөр клубника варень гээд талхан дээр нэг улаан юм түрхээд өглөө. Зиа ингээд хүний мах ... мангас болдийм байж гэж бодож байтал ид гээл бараг ам руу чихчихлээ тэгсэн нээх гоё амт амтагдаал хэхэ... Энэ бүхэн нууцлаг бяцхан айдастай байх тусмаа миний сонирхолыг улам их татаж яг л энэ гоё амт шиг намайг дурлуулж байлаа.
Сайхан хүүхэнийг хов чимнэ сайхан залууг сорви чимнэ гэдэг шиг байрны авгай нар жиг жуг гээл том даргатай явж байгаад тэгээд абортонд орчоод биеэ тэнхэрүүлэх гэж ирсэн юм гэнэ лээ гэж ярих нь сонсогдлоо. Орой нь ээжийг ажилаас нь ирэхлээр ээжээ аборт гэж юу юм бэ? гэтэл бараг л намайг загнаад юун том хүний юм гэдэг зодуулах шахав. Тэгээд би бодохдоо аан даргын машинд сууж явж байгаад аваарт ороод машин нь онхолдсон юм байна гэж бяцхан оюундаа дүгнэлт хийсэн юм. Тэр үгний утгыг бүүр хожим ойлгоод яагаад тийм гунигтай яагаад тийм ганцаардмал байсаныг нь ойлгосон юм.
Гэнэтхэн нэг өдөр гарч ирсэн шигээ гэнэтхэн л нэг өдөр тэр алга болсон юм хаашаа ч юм билээ. тэр цагаас хойш Монхоо ахын гитар хүртэл нэг л уйтгартай гунигтай болчихсон юм шиг.
Олоон жилийн дараа томоо болсон хойноо Күйньны дууг сонсоод дахин нэг дурлаж билээ. Айж байсан хөгжимдөө сэтгэлээсээ дурлаж сонсоход сормуус чийгтэн үгүйлэн харуусахын хар нулимс хацарт хүрэхийн мөчид сайхан дурсамж бэлэглэсэн талархалын цагаан нулимс улам түрэн сэтгэлээ онгойтол сайхан уйлсан юм. Тийм хүн олон хүнд сайхан сэтгэгдэл төрүүлээгүй ч байж болно. хов муу үгийг бай болсон байлаа ч гэсэн хэн нэгэнд мартагдашгүй сайхан зүйл үлдээсэн байдаг. Түүнийг дурсамж гэвэл дурсамж үлдэж хов жив хог шиг хийсэн одсон байдаг.
